პოლიტიკური მოძრაობა “დროა” მოუწოდებს ხელისუფლებას და საგარეო საქმეთა სამინისტროს, დაუყოვნებლივ შეისწავლოს და შესაბამისი რეაგირება მოახდინოს აფხაზური მედიასაშუალებების მიერ გავრცელებულ ინფორმაციაზე.
აფხაზური მედიის “გაგრა ტვ-ის” ინფორმაციით, ოკუპირებულ აფხაზეთში რკინიგზის სადგურების რეკონსტრუქციას იტალიური კომპანია განახორციელებს. კომპანია სახელწოდებით “გლობალ არრედი” (Global Arredi) პოზიციონირებს როგორც იტალიური კომპანია, თუმცა, 13 წელია რუსეთში საქმიანობს.
კომპანიის წარმომადგენლები აფხაზეთში უკვე იმყოფებოდნენ. მათ დაათვალიერეს ის სადგური, რომელიც უნდა აღადგინონ. ინფორმაციას აფხაზურ მედიასთან ერთად, თავად კომპანიაც ავრცელებს საკუთარ ფეისბუქ გვერდზე https://www.facebook.com/Global-Arredi-101620638745522/. მათ გამოქვეყნებული აქვთ სიუჟეტიც, თანდართული ტექსტით, რომ ისინი შეხვდნენ გაგრის ე.წ. ადმინისტრაციის უფროსის მოადგილეს, ალხაზ ბარციცს, ე.წ. ადმინისტრაციის სხვა წარმომადგენლებს და ქალაქის მთავარ არქიტექტორს.
როგორც ტექსტში ვკითხულობთ, იგეგმება სადგურ “პავილიონის და ქალაქის ცენტრალური სადგურის რეკონსტრუქცია.