პოლიციის ვანის სამმართველოს კაპიტანმა, უმცროსმა დეტექტივმა ხმელიძემ “მთავარის” პირდაპირ ეთერში სამსახური დატოვა და განაცხადა, რომ ამის მიზეზი პოლიციის ზემდგომთა დისკრიმინაციული მიდგომა და უკანონო დავალებებია.
კაპიტან ხმელიძის გულისწყრომა გუმათჰესთან ორად გაყოფილმა საზოგადოებამ გამოიწვია, რის მიზეზადაც ის პოლიციის მიერ აღმართულ რკინის ჯებირებს ასახელებს:
“დისკრიმინაციულად იყოფიან რიონის ხეობის მცხოვრებლები იქ მოსახლეებად და საპროტესტო აქციების მონაწილეებად… მე უარს ვამბობ სამსახურის გაგრძელებაზე ასეთ პოლიციაში, ჩემი ჯეტონი, იარაღი ინახება სეიფში, ასევე ის სისხლის სამართლის საქმეები, რაც ჩემზე იყო გაპიროვნებული, რაც შეეხება პოლიციელის მოწმობას, მას ფოსტით გავაგზავნი განყოფილებაში”, – ამბობს კაპიტანი ხმელიძე “მთავართან” ექსკლუზიურ ინტერვიუში.