სალხინოს სასულიერო სკოლის პედაგოგები გაიფიცნენ და დილიდან მათი ნაწილი მუშაობაზე უარს ამბობს. ჭყონდიდის მიტროპოლიტი, მეუფე სტეფანე, სკოლის თანამშრომლების გაფიცვასთან დაკავშირებით დასმულ კითხვას გამოეხმაურა და განაცხადა, რომ სალხინოს სასულიერო სკოლის პედაგოგების გაფიცვის ამბავი არ არის ტელევიზიების გადასაწყვეტი.
გაფიცული პედაგოგების მტკიცებით, მათ მეუფე სტეფანე ანაზღაურების გაზრდას რამდენიმე კვირის წინ დაჰპირდა, თუმცა მიტროპოლიტმა დაპირება არ შეასრულა. ამიტომაც ისინი ხელფასების მატებას და სამუშაო პირობების გაუმჯოებესებას ითხოვენ, წინააღმდეგ შემთხვევაში კი მასშტაბურ აქციებს აანონსებენ.