ჟურნალისტებთან პირდაპირ ეთერში ბრიფინგის ერთი საათის განმავლობაში ყოფილმა პრემიერმინისტრმა, პლატფორმა “საქართველოსთვის” ლიდერმა გიორგი გახარიამ ენმ-ის თავმჯდომარე ნიკა მელია ნეგატიურ კონტექსტში 11-ჯერ ახსენა, მილიარდერი ბიძინა ივანიშვილი კი არცერთხელ არ უხსენებია.
ბიძინა ივანიშვილის შესახებ შეკითხვა გიორგი გახარიას ნინო ჟიჟილაშვილმა დაუსვა, ნიკა მელიასთან დაკავშირებით კი ყველაზე მეტად თავისი ნეგატიური დამოკიდებულება მაშინ გამოხატა, როცა თამარ ბაღაშვილის მიერ დასმულ შეკითხვას პასუხობდა იმის შესახებ, თუ ვინ გასცა 20 ივნიის ბრძანება, გამოეყენებინათ ნარინჯისფერი, ე.წ. “დათვის ტყვიები” მომიტინგეთა წინააღმდეგ.