მთავარიUncategorizedზუგდიდის სპეცრაზმი გუმათჰესთან გადაისროლეს

ზუგდიდის სპეცრაზმი გუმათჰესთან გადაისროლეს

Published on

შსს-ს ზუგდიდის სპეცდანიშნულების რაზმი გუმათჰესთან გადაისროლეს, სადაც ისინი პერიმეტრს გაამაგრებენ – ინფორმაცია “ოდიშინიუსს” რიონის ხეობის მცველებმა მიაწოდეს. ინფორმაციამ “მთავარის” 12-საათიან გამოშვებაშიც გაიჟღერა.

შსს-ს პოლიციური დანაყოფების მობილიზაცია გუმათჰესთან, სადაც აღმართულია რკინის ჯებირები და განთავსებულია პოლიციის პოსტი, მას შემდეგ დაიწყო, რაც, შსს-ს ინფორმაციით, რიონის ხეობის მცველთა ნაწილმა, დედაქალაქიდან ხეობაში დაბრუნების შემდეგ, რკინის ჯებირები დააზიანეს.

გავრცელებულ კადრებში ჩანს, რომ თითქმის ერთი საათის განმავლობაში რიონის ხეობის მცველები რკინის ჯებირებს მუშტებს უბრახუნებდნენ, თუმცა, შსს-ს განცხადებაში აღნიშნულია, რომ ჯებირებს ქვებსა და სხვა საგნებს ურტყამდნენ, რის შედეგადაც ისინი დაზიანდა. უწყებამ სხვისი ქონების დზიანების ფაქტზე გამოძიება სს კოდექსის 187-ე მუხლით დაიწყო.

გაიგზავნა თუ არა ზუგდიდის სპეცრაზმი გუმათჰესთან, ინფორმაციის გადასამოწმებლად “ოდიშინიუსი” შსს-ს პრესსამსახურის სამეგრელოს დეპარტამენტს დაუკავშირდა, თუმცა, იქ ინფორმაცია არც უარყვეს და არც დაადასტურეს, ხოლო ამ ფაქტის სიმართლესთან შესაბამისობის გარკვევისთვის დამატებითი დრო ითხოვეს. პრესსამსახურის პასუხს, ასეთის არსებობის შემთხვევაში, დამატებით შეგატყობინებთ.

სიახლეები

წულუკიანის კომისიაზე გამოუცხადებლობისთვის, ოლიგარქის პროკურატურამ ბადრი ჯაფარიძეს ბრალი წარუდგინა

წულუკიანის კომისიაზე გამოუცხადებლობისთვის, ოლიგარქის პროკურატურამ ბადრი ჯაფარიძეს ბრალი წარუდგინა - "ძლიერი საქართველოს" ერთ ერთმა...

Deep State სალომე ზურაბიშვილს როგორც ვადაგასულ პროდუქტს, ჩამოწერს ქართული პოლიტიკიდან – კობახიძე

"ისევ ოპოზიცია დაუპირისპირა სალომე ზურაბიშვილს Deep State-მა. ეს პროცესი აუცილებლად გაგრძელდება, ანუ, სალომე ზურაბიშვილს,...

“როგორც კი მოვა ახალი ხელისუფლება, საზოგადოებრივი მაუწყებელი ხალხს უნდა დაუბრუნდეს ” – ზურაბიშვილი

"არ შეიძლება არ გამოვეხმაუროთ პლატფორმის მხრიდან საზოგადოებრივ მაუწყებელში მომხდარ ე.წ. არჩევნებს, რაც ფაქტია, არჩევნები...

“სოფლის ნობათის” რძის ნიმუშებში აფლატოქსინი გამოვლინდა – სურსათის ეროვნული სააგენტო

სურსათის ეროვნული სააგენტოს ცნობით, "სოფლის ნობათის" რძის ნიმუშებში აფლატოქსინი გამოვლინდა. უწყების ცნობით, თბილისის საქალაქო სამსახურის...