ტვ პირველის ტელეწამყვანი, ინგა გრიგოლია და ევროპული საქართველოსთვის ყოფილი ლიდერი გიგი უგულავა “რეაქციის” პირდაპირ ეთერში დანაძლევდნენ.
სანაძლეო თბილისის მერის არჩევნებს ეხებოდა: ინგა გრიგოლიას მიაჩნია, რომ ოპოზიცია მერის ერთიან კანდიდატურაზე ვერ შეჯერდება, გიგი უგულავამ კი მას, ამ პოზიციის საპასუხოდ, სანაძლეო შესთავაზა:
“აუცილებლად შევჯერდებით, მაგრამ თუ ელისაშვილი იგულისხმება, ამას არ ვამბობ”, – თქვა გიგი უგულავამ, რაზეც ტელეწამყვანმა უპასუხა:
“არა, ამას არც მე ვამბობ, მგონია, რომ მაგალითად, “ლელოსთან”, ზურა ჯაფარიძესთან ვერ შეჯერდებით”.
წაგების შემთხვევაში, ექსკლუზიურ ეთერში, ინგა გრიგოლიასთან, გიგი უგულავამ ისეთ თემებზე უნდა ისაუბროს, რაზეც აქამდე არცერთ ეთერში არ უსაუბრია.