საქართველოში პირველად დადასტურდა კორონავირუსის ინდური შტამი – ხუთი მოგზაურის ტესტის პასუხი დადებითია. ინფორმაციას დაავადებათა კონტროლის ეროვნული ცენტრი ავრცელებს.
“ისინი საქართველოში შემოვიდნენ სხვადასხვა თარიღში, ერთი და იგივე ქვეყნიდან, თუმცა სხვადასხვა ქვეყნის მოქალაქენი არიან. სამმა მათგანმა უკვე დატოვა ქვეყნის ტერიტორია. ეპიდკვლევების მონაცემებით მათი კლინიკური მდგომარეობა დამაკმაყოფილებელია”, – აღნიშნულია უწყების მიერ გავრცელებულ განცხადებაში.
ამავე განცხადების თანახმად, ყველა ინფიცირებული იდენტიფიცირებული და იზოლირებულია.