დილიდან ქუთაისში ტაქსის კომპანია “მაქსიმის” მძღოლები გაიფიცნენ. კომპანიაში დასაქმებულები დაბალ ანაზღაურებას აპროტესტებენ.
მათი თქმით, საწვავი გაძვირდა და დაბალი ტარიფის გამო ხარჯებს არ ყოფნის, ამიტომ ანაზღაურების გაზრდას მოითხოვენ. მათი თქმით, მოთხოვნა მინიმალურია და კომპანიამ შესრულება უნდა შეძლოს.
კომპანიის ოფისთან 200-მდე მძღოლია შეკრებილი და ხელმძღვანელობასთან შეხვედრას ითხოვენ. მათი თქმით, ადმინისტრაციას მათთან კომუნიკაცია არ აქვს და მათი მოთხოვნების შესახებ ვერ აცნობეს.