პრემიერმინისტრმა ირაკლი ღარიბაშვილმა ნამახვანჰესის მშენებლობის მოწინააღმდეგეებზე საუბრისას განაცხადა, რომ ულტიმატუმების დაყენება ბნელი 90-იანების გადმონაშთია.
მან ამ პროტესტთან სამოქალაქო ომისა და ოკუპაციის მოვლენები დააკავშირა და განაცხადა, რომ მაშინ “ვითომ პატრიოტიზმის ეგიდით” მოქმედმა აქტივისტებმა, რომელიც სპეციალისტის როლს ირგებდნენ, ცუდი შედეგი გამოიწვიეს.
ნამახვანჰესის მშენებლობის მოწინააღმდეგე აქტივისტის, ვარლამ გოლეთიანის თქმით, პრემიერმინისტრის განცხადება, არაადეკვატურია.
საკითხების ასე განხილვა ან მიმართულებით წაყვანა, რომ ჩვენ ვართ “ვაი პატრიოტები” , არ გვინდა ქვეყნის განვითარება ან [გვინდა] 90-იანებში დაბრუნება, ვფიქრობ, არაადეკვატური შეფასებაა და ამაზე ჩვენს საზოგადოებას უნდა ჰქონდეს შესაბამისი რეაქცია. ვაი პატრიოტიზმთან კონტექსტში, მე ვფიქრობ, ხელისუფლებას უნდა განვიხილავდეთ იმიტომ, რომ სწორედ ის ყიდის ხეობას, რესურსებს ასხვისებს, უგულებელყოფს ადამიანის ფუნდამენტურ უფლებებს” — თქვა ვარლამ გოლეთიანმა