საქართველოს მესამე პრეზიდენტი მიხეილ სააკაშვილი, “მთავარი არხის” ეთერში გადაცემაში “მთავარი აქცენტები” დმანისში მომხდარ დაპირისპირებაზე საუბრობს. ამბობს, რომ ეს ყველაფერი მხოლოდ და მხოლოდ ბიძინა ივანიშვილს აწყობს
“ისინი [ქართული ოცნება] პოლიტიკური ხელისუფლების შესანარჩუნებლად იყენებენ ქუჩის კრიმინალებს. როდესაც ქუჩის კრიმინალს იყენებ, პოლიციას აღარ აქვს მორალური უფლება ხელის შეშლის რომელი ეთნიკური ჯგუფის წარმომადგენლებიც არ უნდა იყვნენ ისინი… ეს ყველაფერი არის კრიმინალის გაჯეჯილების, უკიდურესი სიღარიბის შედეგი. ეს ყველაფერი არის იმის შედეგი, რომ ქაოსი და უწესრიგობა აწყობს ბიძინა ივანიშვილს, ამ პირობებში ის კიდევ უფრო სწრაფად დაცლის საქართველოს”, – ამბობს მიხეილ სააკაშვილი.
რაც შეეხება საქართველოში წესრიგის დამყარებას, როგორც მიხიელ სააკაშვილი ამბობს, ამის ერთი რეცეპტი არსებობს, ხელისუფლების სწრაფად შეცვლა არჩევნების გზით. ამისთვის აუცილებელია “ერთიანობა, მობილიზება და ბოლომდე ბრძოლა გამარჯვებისთვის”.