26 მაისს, 16:00 საათზე, ზუგდიდის ბოტანიკურ ბაღში, საქართველოს დამოუკიდებლობის დღის აღსანიშნავად ასოციაცია „ათინათი“ აწყობს „ეროვნულ-განმათავისუფლებელი მოძრაობის ამსახველ დღემდე გამოუქვეყნებელი ფოტოების გამოფენას“.
ფოტოებზე აღბეჭდილია ზუგდიდში, სოხუმსა და საქართველოს სხვა ქალაქებში ეროვნული მოძრაობის ლიდერების ორგანიზებით გამართული ღონისძიებები.
სამეგრელო, კერძოდ ზუგდიდი იყო ჯერ დისიდენტური, შემდეგ კი, ეროვნულ-განმათავისუფლებელი მოძრაობის ეპიცენტრი და მას ხშირად სტუმრობდნენ ეროვნული მოძრაობის ლიდერები: მერაბ კოსტავა, ზვიად გამსახურდია და სხვა სამშობლოს სიყვარულით გულანთებული მამულიშვილები.
ფოტოები ზუგდიდელ ფოტოგრაფს შაქრო როგავას ეკუთვნის.
ღონისძიებაზე შესაძლებლობა გექნებათ:
დაათვალიეროთ დღემდე გამოუქვეყნებელი ფოტოები;
მოუსმინოთ ეროვნული მოძრაობის მონაწილეების მონათხრობ აუდიო ისტორიებს