რესპუბლიკის მოედანზე რიონის ხეობის მცველებმა კარვები გაშალეს.აქციის ორგანიზატორის, ვარლამ გოლეთიანის თქმით, ისინი მანამ არ დაიშლებიან, სანამ მათი მოთხოვნები არ დაკმაყოფილდება.
ხეობის მცველებმა ხელისუფლებას დღეს ულტიმატუმიც წაუყენეს და მოთხოვნების შესასრულებლად ვადა ხვალ, 12 საათამდე მისცეს.
რიონის ხეობის მცველების მოთხოვნებს კი დღეს ყველა იმ პირის სისხლის სამართლებრივი პასუხისმგებლობის დაყენების მოთხოვნაც დაემატა, რომლებსაც ხელშეკრულებაზე აქვთ ხელი მოწერილი. გოლეთიანმა ნათია თურნავასა და გიორგი გახარიას გვარები დაასახელა.