ზუგდიდის სკეიტ პარკში ხშირად შეხვდებით ველოსიპედების დაჯგუფებას, საიდანაც ერთ-ერთი ნიკოლოზ ტყებუჩავაა, პირველი საჯარო სკოლის მეცხრე კლასის მოსწავლე განსხვავებული ჰობით, რომელსაც რაიდერობა ჰქვია. ნიკოლოზი რაიდერობით, 12 წლის ასაკში დაიტერესდა და ფიქრობს, რომ მის ამ გატაცებას მომავლის პროფესიად აქცევს.
განსხვავებით სხვა ქალაქებისა, ზუგდიდს არ აქვს სპეციალური ადგილი, რომელიც მოსახერხებელი იქნება რაიდერებისთვის,თუმცა სკეიტ პარკი ის ადგილია, სადაც რაიდერები ხშირად სხვადასხვა მანევრების შესწავლა-შესრულებით არიან დაკავებულები, რადგან უკეთესი ამისთვის ზუგდიდში არ არსებობს.
ნიკოლოზის მსგავსად, ათობით ამ ჰობის მქონე ზუგდიდელი ახალგაზრდა არის მაგალითი იმისა, თუ როგორ შეიძლება მიუხედავად იმისა, რომ გარემო პირობები არ გიწყობს ხელს, გახდე სიახლის შემომტანი იმ ყოველდღიურობაში, სადაც არანაირი ხელშეწყობა არ არსებობს.