ტრაგედია დატრიალდა კახეთში – ფეხბურთის მატჩის მიმდინარეობისას 17 წლის მოზარდი მოედანზე გარდაიცვალა.
“მთავარი არხის” ინფორმაციით, თელავის მუნიციპალიტეტის სოფელ ბუშეტის სტადიონზე მიმდინარე თამაშის ერთერთმა მონაწილემ გულმკერდში მწვავე ტკივილი იგრძნო, რაც თანატოლებს შეატყობინა.
თამაში შეჩერდა, გამოიძახეს სასწრაფო დახმარება, თუმცა, როგორც გაირკვა, მოზარდი კლინიკაში უკვე გარდაცვლილი გადაიყვანეს.
დამატებითი დეტალები ამ დროისთვის ზუსტდება, გარდაცვალების მიზეზი, სავარაუდოდ, გულის შეტევა გახდა.