თბილისში, გლდანის დასახლებაში 21 წლის ზუგდიდელი გიგი თოლორაია შემთხვევით გამვლელმა პირმა დაჭრა.
“კამერებში ჩანს გვერდს უვლის და უკნიდან ურტყამს სამჯერ და გარბის მერე”,-ამბობს ახალგაზრდა ბიჭის ნათესავი.
“გუშინ თბილისში მამიდაშვილის ბიჭი (21 წლის გიგი) ფსიქიურად შეურაცხადმა გამვლელმა დაჭრა, სათვალთვალო კამერებმა გადაიღო ფაქტი.
ნეკნები და სამი ორგანო აქვს დაზიანებული, ერთი ამოუღეს.
ვის უნდა მოვკითხოთ, რომ ასეთი ადამიანები იყვნენ სპეციალიზებულ კლინიკებში და საფრთხეს არ უქმნიდნენ გარშემომყოფებს, საერთოდ ვის მოვთხოვოთ უსაფრთხო ცხოვრების უფლება? ღმერთს ყვარებიხართ,
მალე გამოჯანმრთელება განსაკუთრებულად კარგ ბიჭ გიგის”,-წერს სოციალურ ქსელში გიგის მამიდაშვილი ნათია გოგოხია.
ექიმის ინფორმაციით, დაჭრილის მდგომარეობა სტაბილურად მძიმეა. მას ოპერაცია ჩაუტარდა და იმყოფება მართვით სუნთქვაზე.
მომხდარზე შსს-მ ბრალდებული უკვე დააკავა. გამოძიება სსკ-ის 117-ე მუხლით დაიწყო, რაც სხეულის განზრახ მძიმე დაზიანებას გულისხმობს.