საბერძნეთის საელჩოს ინფორმაციით, ათენში 20 წლის ქალის ბრიტანელი კაროლაინ კრაუჩის მკვლელობაში ქართველების მონაწილეობა არ დასტურდება
ბერძნულ მედიაში ამ დღეების განმავლობაში აქტიურად საუბრობდნენ ქართველის შესაძლო მონაწილეობაზე, თუმცა გუშინ უკვე განაცხადეს, რომ მკვლელობასთან არ იკვეთება საქართველოს მოქალაქის შესაძლო მონაწილეობა.
ათენის პოლიციის ოფიცერთა კავშირის ხელმძღვანელის თქმით, მკვლელობის ბრალდებით საქართველოს მოქალაქე არ დაუკავებიათ.
“ამ დროისთვის არსებული ინფორმაციით, სახლში 3 ნიღბიანი შეიჭრა. ისინი შეიარაღებულები იყვნენ სასტიკად აწამეს ახალგაზრდა ცოლქმარი, გოგო გარდაცვალა. საქმის დეტალებზე ვერ ვსაუბრობ, აქვს თუ არა კავშირი კაროლაინ კარუჩის მკვლელობასთან საქართველოს მოქალაქეს ამის თქმაც ჯერ ჯერობით შეუძლებელია”, – თქვა ,,მთავართან” ინტერვიუში გიორგოს კალიაკ-მანისმა.
მან დაადასტურა, რომ 2 დღის წინ ბულგარეთის საზღვართან ნამდვილად დააკავეს საქართველოს მოქალაქე, 36 წლის კაცი, რომელიც გაქცევას ცდილობდა. მისი იდენტიფიცირების შემდეგ გაირკვა, რომ ის 2 სხვა პირთან ერთად მარტში მომხდარ ძარცვაში მონაწილეობდა.
ორივე საქმესთან დაკავშირებით გამოძიება გრძელდება.