პანდემიამ განსაკუთრებული პრობლემები შეუქმნა ბიზნესს, მათი ნაწილი დღეს საერთოდ არ ფუნქციონირებს, ან გადარჩენისთვის იბრძვის. რესტორან ,,მენძელის’’ მენეჯერის განცხადებით, მიუხედავად იმისა, რომ შემოსავალი არ არის, ისინი საკუთარი სახსრებით ცდილობნენ სტაფის შენარჩუნებას.  იგივე პრობლემის წინაშე დგას რესტორანი ,,დარიალი’’. ,,დარიალის’’ მენეჯერის განცხადებით, პანდემიის გავლენა რესტორნების ქსელზე  უარყოფითად აისახა, რადგან რესტორნის 20-მდე თანამშრომელს უმუშევრად დარჩენა მოუწია.  ბიზნესი რეგიონში ძირითადად  ტურისტებიდგან იღებდა შემოსავალს. პანდემიის გამო კი იკლო ტურისტების რაოდენობამ და სასტუმროები ამ დრომდე სტუმრების მოლოდინში არიან. ასეთივე პრობლემა აქვს საოჯახო სასტუმრო „თბილ სახლს“ პანდემიამდე აქ უკვე ყველა ჯავშანი გაუქმდა და დღემდე მხოლოდ თითო-ოროლა სტუმარი დადის.შემოსავლის ნაკლებობას უჩივიან ბაზარში დასაქმებულებიც, ამბობენ, რომ პანდემიის გამო მყიდველი კანტიკუნტად დადის და საქმიანობის შეჩერება უწევთ.კორონავირუსის გამო დაწესებული შეზღუდვები პირველად 2020წლის მარტიდან ამოქმედდა, მას მერე რამდენჯერმე შემსუბუქდა, თუმცა ბიზნესს ფეხზე ფეხზე მყარად დგომა დღემდე უჭირს.