ფაშიზმზე გამარჯვების დღეს აღნიშნავენ საბჭოთა დიქტატორის მშობლიურ ქალაქში – გორში სტალინის სახლ-მუზეუმთან პრორუსული არასამთავრობო ორგანიზაციები და კომუნისტები შეიკრიბნენ, მათ შეკრებას კრივში მსოფლიო ჩემპიონი გიორგი კანდელაკიც შეუერთდა.
მოგვიანებით მათ მსვლელობით გადაინაცვლესცენტრალურ მოედანზე, სადაც წლების განმავლობაში სტალინის ძეგლი იდგა. ადგილზე შეკრებილების თქმით, აუცილებელია, რომ მოედანზე სტალინის ძეგლი დაბრუნდეს.
გარდა ამისა, ნაომარ და რუსეთის დაბომბილ ქალაქში დღეს ოკუპანტი ქვეყნის დროშაც ფრიალებდა და მრავლად იყო საბჭოთა სიმბოლიკები, რომელიც კანონმდებლობით აკრძალულია, თუმცა პოლიცია იქ არ გამოჩენილა.