მთავარისიახლეებიმსოფლიოჩინური რაკეტის ნამსხვრევები ინდოეთის ოკეანეში, მალდივის კუნძულების ახლოს ჩაცვივდა.

ჩინური რაკეტის ნამსხვრევები ინდოეთის ოკეანეში, მალდივის კუნძულების ახლოს ჩაცვივდა.

Published on

ჩინური რაკეტის ნამსხვრევები ინდოეთის ოკეანეში, მალდივის კუნძულების ახლოს ჩაცვივდა.  ინფორმაციას ჩინეთის ეროვნული კოსმოსური ადმინისტრაცია ავრცელებს. უწყების თანახმად, რაკეტის ნამსხვრევების უდიდესი ნაწილი დედამიწის ატმოსფეროში შემოსვლის დროს დაიწვა. ჯერჯერობით უცნობია, დაეცა თუ არა რაკეტის ნამსხვრევები უშუალოდ მალდივის კუნძულებზე.

რაკეტა Long March 5B-ს ჩინეთის ახალი კოსმოსური სადგურის მთავარი მოდული გადაჰქონდა დედამიწის ორბიტაზე. ის 29 აპრილს გაუშვეს. ჩვეულებრივ, ამაჩქარებელი საფეხურები საწვავის ამოწურვის შემდეგ რაკეტას სცილდება და უკან, დედამიწაზე ვარდება, მაგრამ 23-ტონიანი მთავარი საფეხური კოსმოსური სადგურის მთავარ მოდულს ორბიტაზე ბოლომდე გაჰყვა. 

ატმოსფეროს ზედა ფენებში რაკეტასა და ჰაერს შორის არსებული ხახუნის გამო, მან სიმაღლის კარგვა მალევე დაიწყო და დედამიწისკენ “უკონტროლო ვარდნა დაიწყო”. იმის შესაძლებლობა, რომ რაკეტის ნამსხვრევებს დედამიწაზე სერიოზული ზიანი გამოეწვია ძალიან მცირე იყო. სხვადასხვა კოსმოსური სააგენტოების მეცნიერები რაკეტის ტრაექტორიას ყურადღებით აკვირდებოდნენ.

ჩინეთის თანახმად, რაკეტა დედამიწის ატმოსფეროში პეკინის დროით 10:24-წუთზე შემოვიდა. აშშ-ს კოსმოსური შტაბმა დაადასტურა, რომ რაკეტა არაბეთის ნახევარკუნძულის თავზე შემოვიდა დედამიწის ატმოსფეროში, თუმცა, უწყების თანახმად, უცნობია, მისი ნამსხვრევები წყალში ჩაცვივდა თუ ხმელეთს მოხვდა.

Long March-ი 5B-ტიპის მეორე რაკეტა იყო, რომელიც ჩინეთმა გაუშვა. პირველი 2020 წლის მაისში გაეშვა. გასულ წელს, რაკეტის ნამსხვრევები კოტ-დ’ივუარში ჩამოცვივდა და რამდენიმე შენობა დააზიანა. ინციდენტს მსხვერპლი არ მოჰყოლია.

“ქვეყნებმა, რომლებიც კოსმოსურ ხომალდებს ქმნიან, მაქსიმალურად უნდა შეამცირონ რისკები ადამიანებისთვის და საკუთრებისთვის დედამიწაზე, რომლებიც კოსმოსური ობიექტების ატმოსფეროში დაბრუნებისას იქმნება და მაქსიმალურად უნდა გაზარდონ გამჭვირვალობა ამ ოპერაციებთან დაკავშირებით. ნათელია, რომ ჩინეთი ვერ ასრულებს კოსმოსურ ნამსხვრევებთან დაკავშირებულ სტანდარტებს”. – თქვა NASA-ს ადმინისტრატორმა, ყოფილმა სენატორმა და ასტრონავტმა ბილ ნელსონმა.

სიახლეები

საქართველოში არ შემოუშვეს პროევროპული აქციებისას დაკავებული ანასტასია ზინოვკინას დედა

საქართველოში არ შემოუშვეს სინდისის პატიმრის, ანასტასია ზინოვკინას დედა, რომელსაც ციხეში მყოფ შვილთან პაემანი ჰქონდა...

სააპელაციოში გიორგი ბაჩიაშვილის სასამართლო მიმდინარეობს

თბილისის სააპელაციო სასამართლოში გიორგი ბაჩიაშვილის სასამართლო პროცესი მიმდინარეობს. პროცესს თავად მსჯავრდებული ბიზნემსნიც ესწრება. გიორგი ბაჩიაშვილი...

ტრამპმა პუტინს უკრაინასთან შეთანხმებისთვის 10-დღიანი ულტიმატუმი წაუყენა

აშშ-ს პრეზიდენტმა, დონალდ ტრამპმა უკრაინასთან ომის დასრულებაზე შეთანხმების მისაღწევად რუსეთის პრეზიდენტს, ვლადიმირ პუტინს 50-დღიანი...

სუსმა „ერთიანი ნაციონალური მოძრაობის“ პოლიტიკური საბჭოს წევრი დააკავა

სახელმწიფო უსაფრთხოების სამსახურმა „ერთიანი ნაციონალური მოძრაობის“ პოლიტიკური საბჭოს წევრი დააკავა. სუს-ი ლაშა ცანავას თაღლითობას ედავება. ანტიკორუფციული...