ამერიკის შეერთებული შტატების ელჩმა დეგნანმა ზუგდიდის ამერიკული კუთხის გაფართოება აღნიშნა. საელჩოს თანამშრომლობა ზუგდიდის საჯარო ბიბლიოთეკასთან 14 წლის წინ დაიწყო და ათასობით ბავშვს ინგლისური ენის პრაქტიკისა და ახალი უნარების შესწავლის შესაძლებლობა მიეცა. თუმცა, კუთხეს, ელჩის განცხადებით,  ყოველთვის აკლდა საკმარისი სივრცე. ამიტომ, საელჩომ და მუნიციპალიტეტის ხელმძღვანელობამ ერთობლივი მუშაობით ამერიკული კუთხე გააფართოვა, რათა ყველას მიეცეს  საშუალება განავითაროს  ის უნარები, რომელიც საქართველოს დემოკრატიულ-ეკონომიკური განვითარებისა და დასავლური ინტეგრაციისთვის ესაჭიროება.- აღნიშნა კელი დეგნანმა.განახლებული სივრცის დათვალიერების შემდეგ, ელჩი ბოტანიკურ ბაღში, ამერიკული კუთხის მიერ მოწყობილ კონცერტსა და ხელნაკეთი ნივთების გამოფენას დაესწრო. კონცერტის ბოლოს, კელი დეგნანმა   ამერიკული კუთხის მოხალისეები და პროექტის ფარგლებში მიმდინარე სხვადასხვა პროექტების ხელმძღვანელები სერთიფიკატებით დააჯილდოვა.