რეგისტრაციიდან 2 საათში, თბილისში “სინოფარმის” ვაქცინაზე ყველა ადგილი შეივსო.

საქართველოში ჩინური ვაქცინა „სინოფარმის“ 100 ათასი დოზა 3 აპრილს შემოვიდა, თუმცა ვაქცინაცია ჯერ არ დაწყებულა. “სინოფარმს” ჯერჯერობით არ აქვს ჯანმრთელობის მსოფლიო ორგანიზაციის ავტორიზაცია. ჯანმომ შესაძლოა ჩინური ვაქცინა შესაძლოა, 29 აპრილს აღიაროს.

ვაქცინა ჯერჯერობით მხოლოდ უნგრეთის მარეგულირებელმა აღიარა. ვაქცინა გამოიყენება სამხრეთ აფრიკაში, აზიასა და ევროპის ქვეყნებში. „სინოფარმი“ დამტკიცებულია ბაჰრეინში, ეგვიპტეში, სინგაპურში, თურქეთსა და აზიის სხვა ქვეყნებში. ევროპაში ვაქცინას იყენებს უნგრეთი, სერბეთი, ჩრდილოეთ მაკედონია. „სინოფარმი“ ჯამში 45 ქვეყანაში გამოიყენება.