სამოქალაქო აქტივისტი ზუგდიდში სამხარეო ადმინისტრაციის შენობის წინ კომენდანტის საათს არღვევს. იგი შენობის წინ საკუთარი მანქანით დგას და ხელში შემდეგი შინაარსის ბანერი უჭირავს.
“ნუ მატყუებ,მართე პანდემია და მოხსენი კომენდანტის საათი”!სამოქალაქო აქტივისტი აქციას მარტო მართავს.
“სინამდვილეში მაჩლუნგებენ და მაჩვევენ მონობას, რომ სახლში ვიჯდე. არ მინდა, ერთი ცხოვრება მაქვს და ძილში გავატარო. მინდა ხალხმა ნახოს, რომ არ უნდა იყვნენ უაზრო მორჩილებაში, თორემ მართონ პანდემია რეალურად. მოხეხონ მაინც მოედნები და კომენდანტის საათი გააუქმონ”, – აღნიშნა როსტომ ზარანდიამ.
სამოქალაქო აქტივისტის თქმით, თუკი დააჯარიმებენ, “აბსურდულ ჯარიმას” ყველგან გაასაჩივრებს და სამართლებრივად იბრძოლებს.
დღეს კი აქ კიდევ ცოტა ხნით დარჩება.