საქართველოში კორონავირუსის შემთხვევების რაოდენობა 1 551-ით გაიზარდა. ბოლო 24 საათში ვირუსისგან განიკურნა 878 ადამიანი, 17 კი გარდაიცვალა. დაავადებათა კონტროლის ცენტრის ინფორმაციით, დღე-ღამის განმავლობაში კორონავირუსის ვაქცინით 1 706 ადამიანი აიცრა. ამ დროისთვის ჯამში 41 801 ადამიანია აცრილი. ქვეყანაში კოვიდ-19-ის პანდემიის გავრცელებიდან დღემდე გამოვლენილი შემთხვევების საერთო რაოდენობა 307 401-ს შეადგენს. აქედან 288 816 ადამიანი გამოჯანმრთელდა, ხოლო 4 077 გარდაიცვალა.