საღამოს საათებში ტრანსპორტი გადატვირთულია, თუმცა კომენდანტის საათის კონკრეტული დრო გამოსავალი არ არის- აცხადებს ჯანდაცვის მინისტრი.
ამ ეტაპისთვის, კომენდანტის, თუნდაც ერთი საათით, წინ ან უკან გადაწევაზე საუბარი არ მიმდინარეობს, ვინაიდან, ადამიანის ქცევიდან გამომდინარე, გადაწევის შემთხვევაშიც მივიღებთ იმავე ეფექტს. აქედან გამომდინარე, კომენდანტის საათის კონკრეტული დრო არ არის გამოსავალი. მნიშვნელოვანია, რომ უფრო ქმედითი ნაბიჯი გადაიდგას ტრანსპორტის განტვირთვასთან დაკავშირებით, -თქვა ტიკარაძემ.