,, საქართველოს ექსპრეზიდენტმა მიხეილ სააკაშვილმა უნდა გააცნობიეროს, რომ ალტერნატივა, რომ ან ის ან ბიძინა ივანიშვილი” არარელევანტურია. – განაცხადა პოლიტიკოსმა სალომე სამადაშვილმა პალიტრანიუსის ეთერში.
“სააკაშვილს საკუთარი მხარდამჭერები ჰყავს, მაგრამ მხარდამჭერების რიცხვი არ იზრდება ქვეყანაში. სწორი ფორმულა იქნებოდა, რომ მას საკუთარი პოლიტიკური ჩართულობისთვის ისეთი გზა მოეძებნა, რომელიც ხელს შეუწყობდა ქვეყანაში ოპოზიციური ფლანგის გაძლიერებას. ეს გზა, ჩემი აზრით, ალბათ, პირველ რიგში, კარგი იქნებოდა იმით დავიწყოთ, რომ განსხვავებული აზრის ყველა ოპოზიციური პარტია არ იქნას შერაცხული გარიგებულად ხელისუფლებასთან. ეს იქნებოდა სწორი დასაწყისი. განსაკუთრებით, როცა უხერხულ მდგომარეობაში ვარდები და მერე გიწევს იმ ხალხთან თანამშრომლობა, რომელთაც გარიგებულს ეძახი რამდენიმე კვირის თუ დღის წინ. მე მგონი, ეს სწორი დასაწყისი იქნებოდა”, — განაცხადა მან.
კითხვაზე, ხომ არ იქნებოდა სწორი სააკაშვილის უფრო დისტანცირება პოლიტიკური პროცესებიდან, სამადაშვილი აცხადებს, რომ ეს თავად სააკაშვილმა უნდა გადაწყვიტოს.
“ეს მისი არჩევანი არის. მაგრამ მე შემიძლია გითხრათ, რომ სააკაშვილმა რაც უნდა გააცნობიეროს, რომ ალტერნატივა, რომ ან ის ან ბიძინა, ეს ალტერნატივა აღარ არის რელევანტური ქართულ პოლიტიკურ სპექტრში. ორპოლუსიანობა არ არის რელევანტური და არც იმას ეხმარება, რომ ბიძინა ივანიშვილის რეჟიმი ქვეყანაში შეიცვალოს არჩევნების გზით”, — განაცხადა მან.
სალომე სამადაშვილმა პოლიტიკური შეთანხმების ხელმოწერასთან დაკავშირებით პარტიისგან განსხვავებული აზრის გამო, ენმ დატოვა. როგორც ის ამბობს, მათი გზები “ამ ეტაპზე ნამდვილად გაიყარა