მიმაჩნია ძალიან მნიშვნელოვან მომენტად, რომ პირველად პრაქტიკულად, ქართულმა ოცნებამ აღიარა, რომ შესაძლებელია ჩატარდეს რიგგარეშე არჩევნები – ასე ეხმაურება საქართველოს მესამე პრეზიდენტი “მთავარი არხის” ეთერში, გადაცემა “დღის სტუმარში” დასავლელი მედიატორების ახალ დოკუმენტს, თუმცა ამბობს, რომ “ეშმაკი დეტალებშია”.

” დოკუმენტი ბევრ კითხვის ნიშანს ბადებს:ჯერ ერთი გაუგებარია რატომ 43% და რატოა არა 50%? თუ ქართველი ხალხის უმრავლესობის მხარდაჭერაზეა?

მეორე კითხვა, რომელიც მაქვს, ეს უნდა დავუსვათ ჩვენ თავს ყველა ჩვენგანმა – ვთქვათ, 43%, ვინ უნდა დაითვალოს, ისევ ჟვანიამ?” ამბობს მიხეილ სააკაშვილი.

მისი თქმით, უნდა განისაზღვროს, როგორ შეიძლება დაკომპლექტდეს საარჩევნო კომისია.  ცესკო-ს მოქმედი ხელმძღვანელის, თამარ ჟვანიასა და სისტემის სხვა მაღალჩინოსნების მიმართ ნდობა ვერ იარსებებს, ის ხმებს სწორად ვერ დათვლის, ამიტომ საჭიროა პარტნიორების ჩართულობა ამ მიმართულებით გამოიყენონ და შესაბამისი მაგალითი აიღონ

მიხეილსააკაშვილი ქართულ პოლიტიკურ სპექტრს სთავაზობს ვარიანტს, რომელიც კოსოვოში, ალბანეთში, უკრაინასა და ბალკანეთის რამდენიმე ქვეყანაში მოქმედებს.

უფრო კონკრეტულად: საარჩევნო კომისიის წევრებს, პროკურორებს, მოსამართლეებს არჩევს პარიტეტული კომისია, რომლის 3 წევრს ნიშნავს დასავლეთი (საერთაშორისო პარტნიორები), 3 წევრს ხელისუფლება, სამს კი ოპოზიცია.

“თუ ეს ასე იქნება, მივიღებთ ხალხს ცესკო-ში, რომელიც ობიექტურად დაითვლის ხმებს”– ამბობს მიხეილ სააკაშვილი.

მისივე შეფასებით, გაუგებარი და ბუნდოვანიაა ნიკა მელიას გათავისუფლების საკითხიც 

მიხეილ სააკაშვილი ამბობს, რომ პარტიებმა თვითონ უნდა გადაწყვიტონ მოაწერენ თუ არა შეთანხმებას ხელს.

“მე ვფიქრობ, პარტიებმა თვითონ უნდა გადაწყვიტონ, ჩემი ფუნქციაა გითხრათ მხოლოდ ის რაც არის, ხომ არ მოგატყუებთ, სიმართლე მწარე უნდა ითქვას. გვინდა გადაწყვეტა, გვინდა გადალახვა კრიზისის, კრიზისი არის მძიმე, მაგრამ არსებობს რაღაც ელემენტარული თამაშის წესები მიღებული ცივილიზებულ სამყაროში, ამ წესების გადახვევა მიგვიყვანს მხოლოდ უარეს შედეგამდე”, – თქვა მიხეილ სააკაშვილმა.