ზუგდიდის მოსწავლე-ახალგაზრდობის განვითარების სასახლე მუშაობას ორშაბათამდე არ განაახლებს , ამის შესახებ გადაწყვეტილება ადმინისტრაციამ მას შემდეგ მიიღო, რაც სასახლის 5 თანამშრონმელს კორონავირუსი დაუდასტურდა. ეპიდემიოლოგების რჩევით, სასახლემ მუშაობა 19 აპრილამდე შეაჩერა.
„მივიღეთ შესაბამისი რეკომენდაცია, რომ ჩავატაროთ სადეზინფექციო სამუშაოები, რასაც ვაკეთებთ. მიუხედავად იმისა, რომ დღეს კორონავირუსის ახალი შემთხვევები არ გვაქვს, ეპიდემიოლოგების რჩევით ორშაბათამდე არ იმუშავებს სასახლეც“, – ამბობს
ზუგდიდის მოსწავლე-ახალგაზრდობის განვითარების სასახლის დირექტორი დავით შამათავა.
სასახლის 5 თანამშრომელს კორონავირუსი 12 აპრილს დაუდასტურდა. თანამშრომლებს ტესტირება უკვე ჩაუტარდათ,ყველა მათგანის პასუხი უარყოფითია.