საზოგადოებრივი მაუწყებლის ეთერში, შაბათს the voice საქართველო-ს პირველი ლაივ-კონცერტი იმართება, სადაც სხვა კონკურსანტებს შორის ზუგდიდელი ანი ტაბაღუა მონაწილეობს. ეს არის პროექტის ყველაზე მნიშვნელოვანი ეტაპი, იწყება ბრძოლა გამარჯვებისთვის.
„სულ მინდოდა ლაივ-კონცერტზე მემღერა, რადგან ზუსტად ვიცოდი, სამეგრელო და აფხაზეთი გვერდში დამიდგებოდა. ახლა კი ნამდვილად დროა ამ ყველაფრის. შაბათს საღამოს 10 საათიდან 12-ის ნახევრამდე მაყურებლებს აქვთ შესაძლებლობა დამირეკონ ჩემთვის განკუთვნილ ნომერზე,რომელიც პირდაპირი ეთერის მსვლელობისას გამოცხადდება.თქვენი მხარდაჭერის დიდი იმედი მაქვს. პირველ ლაივზე ჩემი სიმღერა ეძღვნება აფხაზეთში მცხოვრებ იმ ქართველებს, რომლებსაც ძალიან ვენატრებით და გვენატრება. დროა სამეგრელომაც მოიგოს!“- ამბობს ანი ტაბაღუა. მან წარმატებით გაიარა კონკურსის წინა ეტაპები და გამარჯვებისთვის ემზადება.