სოფელ ორსანტიაში, შამგონიდან მოშორებით იპოვეს მეოთხე გარდაცვლილი, 47 წლის მამაკაცი, რომელიც აფხაზეთიდან, საქართველოს მიერ კონტროლირებად ტერიტორიაზე ცდილობდა გადმოსვლას. რამდენიმე საათიანი სამძებრო ღონისძიება, რომელიც დღეს დილიდან მიმდინარეობდა, დასრულებულია.
მდინარე ენგურში ოკუპირებული გალიდან საქართველოს კონტროლირებად ტერიტორიაზე მოსახვედრად გადმოსული ოთხი პირიდან ყველაზე ახალგაზრდა 34 წლის თამუნა ცატავაა. მდინარე ენგურთან შეკრებილი დევნილების ინფორმაციით, დაღუპული მაყვალა გამისონია და კონი გვალია ცოლ-ქმარი იყვნენ. სწორედ მათი ბიძაშვილი იყო თამუნა ცატავა. რაც შეეხება მეოთხე დაღუპულს თამაზ ბასლანძეს,მისი ცხედარი სოფელ ორსანტიაში გამორიყა მდინარე ენგურმა. სამძებრო სამუშაოები მდინარე ენგურზე დილიდან მიმდინარეობდა. მომხდართან დაკავშირებით შსს-მ გამოძიება დაიწყო.