ზუგდიდის ცენტრალურ ბულვარში „ლელო“ ზუგდიდის წევრებმა კარავი გაშალეს, რითიც შეუერთდნენ საქართველოს მასშტაბით ლელოს მიერ დაწყებულ აქციას ვადამდელი არჩევნების ჩატარებასთან დაკავშირებით . პარტიის წარმომადგენლების თქმით, აქ სრულიად თავისუფლად შეუძლია ნებისმიერ მოქალაქეს დააფიქსიროს საკუთარი პოზიცია. ზუგდიდის რეგიონული ოფისის ხელმძღვანელის ალექსანდრე ახვლედიანის განცხადებით, მათ რამდენიმე თვის წინ მიმართეს მერიას, რომ მიეცა მათთვის კარვის დადგმის შესაძლებლობა, თუმცა, ამაზე პასუხი ვერ მიიღეს. დღეს კი, მერია მოსახლეობის გამოკითხვის უფლებას არ აძლევს და აფიქსირებენ, რომ ისინი კანონს არღვევენ.
„ლელო საქართველოსთვის“ პირადი შეხვედრების გარდა, Online პლატფორმის, ინტერნეტისა და სოციალური ქსელების მეშვეობით მოახდენს მოქალაქეების ხელმოწერების შეგროვებას.