ანაკლიაში ადგილობრივები წვიმისა და წყალდიდობის გამო მიყენებულ ზარალზე საუბრობენ, მათი თქმით, არხი, რომელიც შლამმა ჩახერგა, ეზოებისა და სახლების პირველი სართულების დატბორვის მიზეზი გახდა. ანაკლიელები ხელისუფლების მხრიდან უყურადღებობაზე საუბრობენ და ყვებიან, რომ უკვე თვეებია ადგილობრივ ხელისუფლებას მის გაწმენდას სთხოვენ, თუმცა, ხელისუფლებამ არხის გაწმენდის გადაწყვეტილება მხოლოდ მას შემდეგ მიიღო, რაც ადიდებული ენგური კალაპოტიდან გადმოვიდა და მძიმე პრობლემები შექმნა.
ამ დროისთვის ანაკლიაში მძიმე ტექნიკა მუშაობს. ადგილობრივებს სტიქიამ საცხოვრებელი სახლები და საკარმიდამო ნაკვეთები დაუტბორა, გარდა ამისა, დამხრჩვალია შინაური ფრინველი. მოსახლეობა ხელისუფლებას მიზამნიმართულ უყურადღებობაში ადანაშაულებს და ამბობს, რომ თუ ეს პრობლემა დროულად არ მოგვარდა, წელს ანაკლია ტურიტებს ვერ მიიღებს და სეზონი ჩავარდება.