ამ დრომდე პარალიზებულია ზუგდიდი-თბილისის რკინიგზის მაგისტრალზე მოძრაობა, მიზეზი ავტოსაგზაო შემთხვევა გახდა, რა დროსაც თამარ მეფის ქუჩაზე ზუგდიდი-თბილისის მიმართულებით მოძრავი სამგზავრო მატარებელი მსუბუქ მანქანას დაეჯახა, რის შედეგადაც ერთი ადამიანი დაშავდა. თვითმხილველების ინფორმაციით, მძღოლი, რომელიც ავტომანქანას მართავდა, მარტო იყო და სავარაუდოდ მან მოძრავი მატარებელი ვერ შეამჩნია.
ადგილზე სახანძრო-სამაშველო სამსახურის ეკიპაჟი და პოლიციაა მობილიზებული. დაშავებული ზუგდიდის მუნიციპალიტეტის საკრებულოს დეპუტატი სალომე ფაცაციაა, რომელიც ზუგდიდის ევექსის კლინიკაშია გადაყვანილი და კვლევები უტარდება. შემთხვევამ მგზავრებში პანიკა შექმნა, ნაწილმა მატარებლის ვაგონები დატოვა, ნაწილი კი ამ დრომდე გაჩრებულ მატარებელში იმყოფება, როგორც მგზავრები ამბობენ, ჯერ ადგილიდან არც მანქანაა გადაყვანილი და არც იმას ეუბნებიან, თუ როდის შეძლებენ გამგზავრებას
