ანაკლიაში, დგებუაძის ქუჩაზე 10-მდე ოჯახი დახმარებას ითხოვს. მდინარე ენგური კალაპოტიდან გადმოვიდა და მთლიანად დატბორა ქუჩა, ეზოები და საცხოვრებელი სახლების პირველი სართული.
“როდის იყო ენგური გადმოდიოდა და მოსახლეობას წყალი უვარდებოდა, ეს იმიტომ ხდება, რომ კალაპოტი შეუცვლეს და ახლა მოსახლეობას ექმნება პრობლემები. ადგილობრივები ითხოვენ, რომ ენგური კალაპოტს დაუბრუნდეს”- უთხრა “ოდიშინიუსს” საკრებულოს დეპუტატმა ნაციონალური მოძრაობიდან დათა შელიამ.