გორის მუნიციპალიტეტში საოკუპაციო ხაზს მიღმა მცხოვრები მოქალაქე დათა ვანიშვილი გარდაიცვალა. დათა პაპა ჯანმრთელობის პრობლემების გამო, საკუთარ ბინაში გარდაიცვალა.
ვანიშვილი ე.წ საზღვრის მიღმა დარჩენის შემდეგ საცხოვრებელ სახლს არ ტოვებდა და საქართველოს კონტროლირებად ტერიტორიაზე დარჩენილ პირებთან მავთულხლართის მიღმა უწევდა კომუნიკაცია. წლების განმავლობაში მასთან მოსანახულებლად არაერთი ქვეყნის პრეზიდენტი და საერთაშორისო მისიის წარმომადგენელი ჩასულა.