მწუხრის ლოცვის დასრულების შემდეგ ჭყონდიდის მიტროპოლიტმა სტეფანემ მედიასთან კომენტარი არ გააკეთა. “ხვალ მიტევების დღეა და ხვალ შევხვდებით”,-თქვა მან. პირველი მსახურება 8 მარტს ჭყონდიდში მომხდარი დაპირისპირების შემდეგ – ეპარქიის საკათედრო ტაძარში მეუფე სტეფანემ მწუხრის ლოცვა აღავლინა. მსახურებას მრევლის სტატუსით ადგილობრივი მთავრობის წარმომადგენლები და ადმინისტრაციულ ერთეულში დასაქმებულები ესწრებოდნენ. წინა შემთხვევების მსგავსად, მეუფე სტეფანეს გვერდით ისევ არ იდგნენ ის სასულიერო პირები, რომლებმაც მიტროპოლიტთან ერთად ღვთისმსახურებაზე უარი თქვეს.