მთავარისიახლეებიკონფლიქტებირა ხდება სოხუმში? ასლან ბჟანიას სასახლესთან მისი მომხრეები არიან...

რა ხდება სოხუმში? ასლან ბჟანიას სასახლესთან მისი მომხრეები არიან შეკრებილი. ოპოზიციის მოსალოდნელი შეტევის მოგერიებისთვის მილიციაა მობილიზებული

Published on

რუსეთის მიერ ოკუპირებულ სოხუმში ორი აქცია ერთმანეთის პარალელურად მიმდინარეობს: ოპოზიციური პარტია “აურაა” ყრილობას ატარებს, პარალელურად კი ე.წ. პრეზიდენტის ასლან ბჟანიას სასახლესთან მისი მომხრეები არიან შეკრებილი. ამ დროისთვის სასახლე ბჟანიას მომხრეებისა და მილიციის ალყაშია, იქ, 300-მდე მილიციელი და 200-მდე მოქალაქეა თავმოყრილი, ხოლო ოპოზიციურ შეკრებაში, საერთო ჯამში, 700-მდე ადამიანი მონაწილეობს. 

მანამდე ვიდეოპორტალ “You tube-ზე გავრცელდა კადრები, სადაც ასახულია ე.წ. პრეზიდენტის სასახლის მიმდებარე პერიმეტრის გაძლიერებული დაცვა. არსებული ინფორმაციით, ყრილობის შემდეგ ოპოზიციის მომხრეები სასახლის შტურმს გეგმავენ.

შეგახსენებთ, ოპოზიციის მხრიდან ე.წ. პრეზიდენტის სასახლეზე შესაძლო შტურმის შესახებ ინფორმაცია მარტის დასაწყისში გავრცელდა, რის შემდეგაც ხელისუფლებამ დონბასის თვითგამოცხადებული რესპუბლიკის გმირი ახრიკ ავიძბა და მისი დაცვის წევრები დააკავა, ავიძბას სახლიდან კი დიდი რაოდენობით იარაღი ამოიღო.

სწორედ ახრა ავიძბა მოიაზრებოდა ოპოზიციის ერთერთ ლიდერად, დე ფაქტო ხელისუფლებამ კი განაცხადა, ავიძბა სახელმწიფო გადატრიალების სამზადისში იყო ბრალდებული. 

მოსალოდნელ შტურმთან დაკავშირებით, ე.წ.-მა შსს-მ სოხუმში უკვე მოუწოდა ოპოზიციური თავყრილობის მონაწილეებს, რომ დაიცვან მართლწესრიგი, წინააღმდეგ შემთხვევაში, განცხადების თანახმად, უწყება ადეკვატურად იმოქმედებს. 

სიახლეები

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...

“ბოკუჩავა ჩემს შეცდომას იყენებს” – ჩერგოლეიშვილი

"თინა ბოკუჩავა ჩემს შეცდომას იყენებს" - ამის შესახებ "ფედერალისტების" ლიდერი თამარ ჩერგოლეიშვილი საუბრობს. მისი...

“ვერასდროს ვირწმუნებ გამარჯვების, რომელიც დაცლილია მორალისგან” – ბოკუჩავა ჩერგოლეიშვილის პოსტზე

"ვერასდროს ვირწმუნებ გამარჯვების, რომელიც დაცლილია მორალისგან", - ასე ეხმიანება "ნაციონალური მოძრაობის" თავმჯდომარე თინა ბოკუჩავა...