,, ერთდროულად ამდენი შემსუბუქება არაა სასურველი. ჩვენ თითოეული შემსუბუქების შემდეგ უნდა დავაკვირდეთ 1-2 კვირა და ამის შემდეგ მივიღოთ შემდგომი შემსუბუქების გადაწყვეტილება, ამ ეტაპზე, დღეს არ ჩაითვალა ეს [საჭიროდ], მაგრამ თუ ჩვენ ამ ჩარჩოებში ეპიდსიტუაციას შევინარჩუნებთ, ეს საკითხიც დადგება… – განაცხადა დაავადებათა კონტროლის ერონული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ გამართულ ბრიფინგზე.

გადაადგილების შეზღუდვა ქვეყნის მასშტაბით კვლავ ძალაშია. კომენდანტის საათის მოხსნის მოთხოვნით არაერთი აქცია გაიმართა.

ამირან გამყრელიძის განცხადებით, უფრო ყურადსაღებია პირბადის ტარების საკითხი.

,,ელსმეტრიკის ინსტიტუტთან ერთად  ჩვენ ვაკვირდებით პირბადის ტარების მაჩვენებელს ქვეყანაში. სამწუხაროდ, როდესაც ჩვენ ვიყავით თითქმის 75%-ზე  ასული და შემდეგ 66%-ზე ჩამოვედით, გუშინდელი მონაცემებით, ეს არის 43 %, რაც ძალიან ცუდია…

იცით, რომ თუ ეს 95%-მდე ავიყვანეთ, ძალიან ბევრი მონაცემი სერიოზულად გაგვიუმჯობესდება ქვეყანაში და ნაკლები დაზიანება გვექნება მოსახლეობაში. ამიტომ, მედიას გთხოვთ, რომ პირბადეზე გავამახვილოთ განსაკუთრებული ყურადღება. 43%-ზე ჩამოსვლა, ჩათვალეთ, რომ არის საგანგაშო, განსაკუთრებით, ამ შემსუბუქებების ფონზე, რომელმაც შეიძლება მიგვიყვანოს ეპიდსიტუაციის სერიოზულ გაუარესებამდე…” 0 განაცხადა მან.