ამ დრომდე დაძაბულობაა მარტვილის ეპარქიაში. მარტვილის ეპარქიაში დაპირისპირების დროს მოაჯირი ჩაინგრა – დაშავებულია რამდენიმე ადამიანი, მათ შორის ჟურნალისტები. ამ დროისთვის მძიმეა ტვ პირველის ოპერატორის ალეკო ხაზალიას ჯანმრთელობის მდგომარეობა. დაშავდნენ ასევე ტვ პირველის ჟურნალისტი პაპუნა შუშანია და რუსთავი 2-ის ოპერატორი დათო კონჯარია. ისინი სასწრაფო სამედიცინო დახმარების ბრიგადამ მარტვილის საავადმყოფოში გადაიყვანა. მათ კვლევები უტარდებათ. დაპირისპირება მარტვილის ეპარქიაში იმ დროს მოხდა, როცა მღვდელმსახურება შეჩერებული ორი სასულიერო პური და მათი მრევლი მეუფე სტეფანესგან ახსნა-განმარტებას ითხოვდა. ადგილზე სამართალდამცველები იმყოფებიან.