დღეს თბილისში, ვაზისუბნის დასახლებაში ნიკა მელიას სოლიდარობის აქცია გაიმართა. შეკრებილებს ნაციონალური მოძრაობის ლიდერები და სამოქალაქო აქტივისტები შეხვდნენ. შეხვედრაზე საუბრის მთავარი თემა ვადამდელი არჩევნები და არსებული პოლიტიკური კრიზისის განმუხტვის გზები იყო
ოპოზიციის ლიდერების განცხადებების თანახმად, ლოკალური აქციები და მოსახლეობასთან შეხვედრები კვლავ გაგრძელდება.
.”ერთიანი ნაციონალური მოძრაობის” წევრები ხვალ, 7 მარტს, 14:30 საათზესამგორის მოსახლეობას შეხვდებიან. ამბობენ, რომ მათი მთავარი მიზანი სწორედ ნიკა მელიას და სხვა პოლიტპატიმრების გათავისუფლება და ვადამდელი საპარლამენტო არჩევნების ჩანიშვნაა.