პარლამენტში შინაგან საქმეთა მინისტრს ვახტანგ გომელაურს “მინისტრის საათის” ფორმატში მოუსმენენ.
ოპოზიციაში დარწმუნებული არიან, რომ მინისტრთან შეხვედრა დიდი ალბათობით კრიტიკული კითხვების გარეშე ჩაივლის. მათ შორის სავარაუდოდ არ დაისმება კითხვები ენმ-ის ლიდერის ოფისში ჩატარებული სპეცოპერაციის ფორმებზე. ოპოზიციაში აცხადებენ, რომ მინისტრის დაბარება ერთპარტიულ პარლამენტში მხოლოდ ფორმალობაა.
“გომელაურის ე.წ პარლამენტში გამოსვლა და მისი მოსმენა, იგივეა რაც კომპარტიის სხდომაზე, კომპარტიის მარალჩინოსნის გამოსვლა. ეს უბრალოდ სასაცილოა. ქვეყანაში არის ერთპარტიული მმართველობა. მიტაცებულია ხელისუფლება და აქ დემოკრატიულ პროცესებზე, მისნისტრის დარებაზე, შემდეგ კრიტიკული კითხვების დასმაზე საუბარი ზედემტია. სამწუხაროდ ეს არის ძალიან ბოროტი ცირკი და მასკარადი”, – განაცხადა “ლელოს” წევრმა, ლევან სამუშიამ.
ძალოვანი უწყების ხელმძღვანელი საკანონმდებლო ორგანოში 12 საათისთვის მივა.