ფრაქცია “ქართულ ოცნებას” ბაღდათის საკრებულოს წევრები ტოვებენ.
როგორც საკრებულოს წევრი გაბრიელ ღიბარაძე ამბობს, რომ ეს გადაწყვეტილება მასთან ერთად კიდევ ორმა დეპუტატმა ზაზა ზივზიმაძემ და დიომიდე კიკნაველიძემ მიიღო. მათ უკვე მიმართეს შესაბამისი განცხადებით საკრებულოს თავმჯდომარეს
ფაქტს ისინი “მთავარ არხთან” ადასტურებენ და ამბობენ, რომ ფრაქციასთან ერთად პარტიიდანაც მიდიან. “ერთობლივად გადავწყვიტეთ, მაჟორიტარები ვართ სამივე. ბევრი რაღაც ემთხვევა ერთმანეთს, არის ბევრი მიზეზი”, – ამბობს გაბრიელ ღიბარაძე.
ოპოზიციის შეფასებით, “ნაციონალური მოძრაობის” თავმჯდომარის, ნიკა მელიას დაკავებასა და გიორგი გახარიას გადადგომას კრიზისის გამწვევება მოჰყვა და რეგიონებში “ოცნებას” უფრო მეტი ადამიანი ტოვებს.
“ჯობს გვიან ვიდრე არასდროს, ესაა პირველი ნიშანი, მადლობა ბაღდათელებს, მადლობა იმ ბიჭებს ვინც დატოვა, ესაა პირველი ნიშანი, ეს რღვევა დაწყებულია და გაირღვევიან ფაჩიკოს გარმონივით, ფაჩიკოს გარმონივით დაიშლება ქართული ოცება”, – თქვა “თავისუფალი საქართველოს” წევრმა, გოგი წულაიამ.
ოპოზიციის ინფორმაციით, “ქართული ოცნების” წევრები სხვა მუნიციპალიტეტის საკრებულოებსაც დატოვებენ.