,,არ შეიძლება ეს ქვეყანა ერთი ჯამბაზის, პრორუსის და ამ ქვეყნის მომავლის განუმჭვრეტელი ადამიანის ხელში იყოს” – მთავრობის კანცელარიასთან ოპოზიციისა და სამოქალაქო აქტივისტების აქცია დაიწყო

0
106

მთავრობის კანცელარიასთან ოპოზიციისა და სამოქალაქო აქტივისტების აქცია დაიწყო.

ორგანიზატორებმა აქცია საქართველოს ჰიმნით გახსნეს.

ოპოზიციონერი ლიდერების განცხადებით, მათ ხელისუფლებასთან ორი მთავარი მოთხოვნა აქვთ –  ნიკა მლიას გათავისუფლება და რიგგარეშე არჩევნების ჩანიშვნა. მათივე თქმით, დღევანდელ აქციაზე ისინი ოპოზიციის სამომავლო გეგმებს გააჟღერებენ.

ადგილზე მობილიზებული არიან სამართალდამცველებიც. ადგილზე მოქალაქეები იკრიბებიან, პოლიტიკოსებმა კი გამოსვლები დაიწყეს.

“ყველა იმ ადამიანს მინდა გადმოგცეთ, ჩემი გულითადი მისალმება, ვინც დღეს შეიკრიბეთ და არ შეეგუეთ უსამართლობას. ნიკა მელიას დაპატიმრება იყო სიმბოლური აქტი, რომელიც მოდის ამ შენობიდან. ბოლშევიკებიდან, რომლებმაც გადაწყვიტეს, რომ ეს ქვეყანა მათ დაისაკუთრონ, მაგრამ ეს არ გამოუვათ. დღეს “ნაციონალური მოძრაობის” ოფისში გადიოდა თავისუფლების ხაზი, აქ გადის თავისუფლების ხაზი. თავისუფლების ხაზი გადის თქვენს გულებში, ვისაც არ გსურთ, რომ ეს ქვეყანა ერთი ჯამბაზის, პრორუსის და ამ ქვეყნის მომავლის განუმჭვრიტავი ადამიანის ხელში იყოს”, – განაცხადა “ნაციონალური მოძრაობის” წევრმა, ხატია დეკანოიძემ. 

შეგახსენებთ, რომ მთავრობის კანცელარიასთან ოპოზიციური პარტიების წარმომადგენლებმა 15:00 საათზე აქცია, მას შემდეგ დააანონსეს, რაც “ნაციონალური მოძრაობის” ოფისში სპეცრაზმი შეიჭრა და ძალის გამოყენებით ნიკა მელია დააკავა.. 

კომენტარის დატოვება

Please enter your comment!
Please enter your name here