ანი ხოფერია აფზახეთიდან დევნილია, რომელიც ნაქირავები მანქანით ზუგდიდში ტაქსის მძღოლად მუშაობდა. წლებია ანი საკუთარი ბინის რიგს ელოდება, თუმცა ლოდინი უშედეგოა. მისი თქმით, სოციალური მომსახურების სააგენტოში მას განუცხადეს, რომ ის ვერ აკმაყოფილებს კრიტერიუმებს, მიუხედავად იმისა, რომ დევნილობის გარდა სოციალურად დაუცველის სტატუსიც აქვს.
ანის ორი თვეა ბინის ქირის ფულს სახელმწიფო არ უფინანსებს, როგორც თვითონ ამბობს, სოციალური სააგენტოს პასუხია, რომ ეს მათ მოვალეობაში არ შედის. ამის პასუხად კი, ანიმ შიმშილობა გადაწყვიტა, ამბობს, რომ თუ მის მოთხოვნებს არ დააკმაყოფილებენ პროტესტის უკიდურეს ფორმას მიმართავს და პირს ამოიკერავს
. ანის განცხადებით, ის აპირებს, რომ კომენდანტის საათის შემდეგაც გააგრძელოს პროტესტის ეს ფორმა. აპირებს იქამდე გააგრძელოს შიმშილობა, სანამ მისი მოთხოვნა არ დაკმაყოფილდება.