როგორ ვითარდებდა მოვლენები ნაციონალური მოძრაობის ოფისთან, სანამ გიორგი გახარია გააკეთებდა განცხადებას პრემიერის თანამდებობდან გადაგომის შესახებ?
სამართალდამცავები იქ დაახლოებით 09:00 საათისთვის გამოჩნდნენ და განაცხადეს, რომ მელიასთან საუბარი სურთ. მათი განმარტებით, სურთ განჩინების აღსრულება.
“როგორც მოგეხსენებათ, სასამართლოს მიერ გაცემულია შესაბამისი გადაწყვეტილება, რომლის შესრულებაც დაევალა შინაგან საქმეთა სამინისტროს. შესაბამისად, გამომძიებლები, ხედავთ რა რაოდენობაც თანამშრომლების, მოვედით ოფისში, ვინაიდან ცნობილია ჩვენთვის, რომ პატივცემული ნიკანორ მელია იმყოფება აღნიშნულ ოფისში, განჩინების აღსრულების მიზნით. თუმცა თქვენ ისიც დაინახეთ, რომ კარები ჩაგვიკეტეს და არ შეგვიშვეს. აღსრულების პროცესში გათვალისწინებული და გამოყენებული იქნება კანონით გათვალისწინებული ყველა საშუალება, დამატებით განცხადებას გავაკეთებთ და მოგახსენებთ შემდეგ”, — განაცხადა ადგილზე მისულმა სამართალდამცავმა.
ნიკა მელია ამ დროსაც ნაციონალური მოძრაობის ცენტრალურ ოფისში იმყოფებოდა. იქ იყვნენ სხვა ოპოზიციური პარტიების ლიდერები და აქტივისტები, რომლებიც კარებთან პოლიციას გადაუდგნენ და აცხადებდნენ, რომ ხელისუფლებას მელიას დაკავების საშუალებას არ მისცემენ, რადგან უკანონო გადაწყვეტილებას არ ემორჩილებიან. პოლიციამ იქაურობა დატოვა, თუმცა ამდრომდე ოფისის სიახლოვეს არიან დისლოცირებული