ევროპული საქართველოს ერთ-ერთი ლიდერის, გიგა ბოკერიას განცხადებით, მათ დამოკიდებულება არ შეუცვლიათ და ფიქრობენ, რომ პოლიტიკური კრიზისის განმუხტვა მხოლოდ ვადამდელ არჩევნებს შეუძლია.
“ევროპული საქართელოს და სხვა მთელი სპექტრის, მცირე გამონაკლისებით, პოზიცია არის იგივე, რაც ჩვენ მივიღეთ, რომ მხოლოდ ვადამდელ ნორმალურ არჩევნებს შეუძლია განმუხტვა ამ კრიზისის და გადარჩენა ამ ქვეყანაში იდეის, რომ არჩევნებია გზა ხელისუფლების შეცვლის ან ხელისუფლების შენარჩუნების და არა რაიმე სხვა და არა შეგუება იმასთან, რომ ვისაც ძალაუფლება აქვს, ის წყვეტს როდის დათმობს ძალაუფლებას.
ამისთვის საჭიროა ვადამდელი ნორმალური არჩევნები და ამის ნაწილი აუცილებლად უნდა გახდეს პოლიტპატიმრების განთავისუფლება, საარჩევნო ადმინისტრაციისა და რეგულაციების ცვლილებით და ამის ნაწილი შეიძლება გახდეს სისტემის ცვლილებაც”, — განაცხადა ბოკერიამ.
ბოლო კვირების განმავლობაში განსაკუთრებით აქტუალურია საკითხი, რა შემთხვევაში შევა ოპოზიცია პარლამენტში. პარტია მოქალაქეებში აცხადებდნენ, რომ მთავარი მოტივი საარჩევნო ადმინისტრაციის რეფორმირების პირობაა, გირჩში კი ამბობენ, რომ ოპოზიცია უბარიერო პროპორციულ არჩევნებზე შეთანხმების შემთხვევაშიც უნდა შევიდეს პარლამენტში