ჩხოროწყუში ამ წუთებში გაერთიანებული ოპოზიცია იკრიბება – საქმე ეხება მე-2 საჯარო სკოლის მოსწავლეების მიერ მერიის საპირფარეშოს დასუფთავების ინციდენტს.
ოპოზიცია საკრებულოში პეტიციას შეიტანს ჩხოროწყუს მერის, დავით გოგუას, გადაყენებასთან დაკავშირებით – ხელმოწერების შეგროვება დღეიდან დაიწყება. – ინფორმაციას ამის შესახებ ,,მთავარი არხი” ავრცელებს
შეგახსენებთ, ჩხოროწყუში სკოლის მოსწავლეებს მუნიციპალიტეტის საპირფარეშო დაასუფთავებინეს, ეს ფაქტი სოციალურ ქსელში გაჟღერდა და მოგვიანებით ის ჩხოროწყუს საგანმანათლებლო რესურსცენტრმაც დაადასტურა. შსს-მ კი გამოძიება იძულების მუხლით დაიწყო.