მესტიის მუნიციპალიტეტის სოფელ ხაიშში საცხოვრებელი სახლი დაიწვა.
საგანგებო სიტუაციების მართვის სამსახურის ცნობით, ხანძრის შედეგად მხოლოდ ერთი საცხოვრებელი სახლი დაიწვა, ამ დროისთვის ხანძარი ლოკალიზებულია და არავინ დაშავებულა.
ერთ-ერთი ადგილობრივი ამბობს, რომ ისინი სახანძროს სულ მცირე 40 წუთის განმავლობაში ელოდებოდნენ.
საგანგებო სიტუაციების მართვის სამსახურში აცხადებენ, რომ სახანძრო “მაქსიმალურად შესაძლებელ დროში მივიდა”, თუმცა ამ ეტაპზე ვერ აკონკრეტებენ, რამდენი დრო დასჭირდა სამაშველო ჯგუფს კონკრეტულ ადგილამდე მისასვლელად.