ზუგდიდის ბოტანიკური ბაღიდან,რამდენიმე დღის წინ, ღამის საათებში 2250 ლარის ღირებულების ელექტრო მოპედი მოიპარეს. ბაღის ადმინისტრაციაში ამბობენ, რომ ელექტრო მოპედი გასული წლის დეკემბრის თვეში შეიძინეს. შსს სამინისტროს ცნობით, ფაქტზე საქმე 177-ე მუხლით დაიწყო, რაც ქურდობას გულისხმობს. უწყებაში განმარტავენ,რომ აღნიშნული ბრალდებით ორი პირია დაკავებული, მათგან ერთი გირაოს გადახდის შემდეგ გათავისუფლდა,ხოლო მეორეს მიმართ მიმდინარეობს საგამოძიებო ღონისძიებები.