დღეს ევროპარლამენტარი, სამხრეთ კავკასიასთან ურთიერთობების დელეგაციის ხელმძღვანელი მარინა კალიურადი სტრასბურგის სასამართლოს გადაწყვეტილებას გამოეხმაურა და განაცხადა, რომ “რუსეთის ფედერაციამ უნდა შეასრულოს საერთაშორისო ვალდებულებები და უკან წაიღოს აფხაზეთისა და ცხინვალის რეგიონის/სამხრეთ ოსეთის აღიარება”.
ევროპარლამენტარი რუსეთისგან ოკუპირებულ რეგიონებში ევროკავშირის სადამკვირვებლო მისიის წვდომის უზრუნველყოფასაც ითხოვს.
“როგორც არაერთხელ განაცხადა ევროპარლამენტმა, რუსეთის ფედერაციამ უნდა შეასრულოს თავისი საერთაშორისო ვალდებულებები… როგორც ეფექტური კონტროლის განმახორციელებელმა ძალამ, უნდა უზრუნველყოს საქართველოში ევროკავშირის სადამკვირვებლო მისიის (EUMM) უპირობოდ დაშვება ოკუპირებულ რეგიონებში, ევროკავშირის შუამავლობით გაფორმებული ექვსპუნქტიანი შეთანხმების შესაბამისად, რომლითაც დასრულდა ომი”, – წერია მის განცხადებაში.
საერთაშორისო ურთიერთობების ექსპერტების აზრით, მარია კალიურადის მიერ სტრასბურგის სასამართლოს განაჩენთან დაკავშირებით გამოქვეყნებული განცხადება კიდევ ერთი დასტურია რუსეთის ოკუპაციის და მნიშვნელოვანი ნაბიჯია საქართველოს საგარეო პოლიტიკისთვის.
შეგახსენებთ, რომ 21 იანვარს ცნობილი გახდა სტრასბურგის სასამართლოს გადაწყვეტილების შესახებ – რუსეთის წინააღმდეგ საქართველოს სარჩელი დაკმაყოფილებულია.