ყველა მართლმადიდებლური ეკლესია, მათ შორის რუსეთის ეკლესია სცნობს, როგორც აფხაზეთის, ასევე ცხინვალის მართლმადიდებლურ ეკლესიას, როგორც საქართველოს მართლმადიდებელი ეკლესიის განუყოფელ ნაწილს. ჩვენ მივწერეთ საპროტესტო წერილი, იმიტომ, რომ ლოცვა – კურთხევის გარეშე, საქართველოს კათოლიკოს – პატრიარქისა და ნიქოზის და ცხინვალის მიტროპოლიტ იესაიას გარეშე, არავის არ შეუძლია მღვდელმოქმედების ჩატარება. ეს არის კანონიკური წესი მსოფლიო მართლმადიდებლური ეკლესიისა,”- ასე გამოეხმაურა ზუგდიდისა და ცაიშის მიტროპოლიტი მეუფე გერასიმე შარაშერიძე ოკუპირებულ ცხინვალში მდებარე ეკლესიაში შობის დღესასწაულზე საღმრთო ლიტურგიის რუსულ ენაზე ჩატარების ფაქტს.
საპატრიარქოს წერილზე ოკუპირებული ცხინვალიდან ოფიციალური პასუხი ჯერ ქართულ მხარეს არ მიუღია.